L'antruido a la puorta de Tiu Praça

Possiblemente este retrato fui tirado por Tiu Praça / Tiu Cantino a la sue puorta. El tenie ua daqueilhas máquinas de trés patas i de anfilar la cabeça no saco de panho negro. A Maria, a Elias i a Tolentino, causo tengan retratos destes, mesmo que nun los quergan amostrar, pido-le que nunca los perdan. Que balor nun tenerá ua eimaige destas para un nieto ou biznieto de tiu Zé ?!?!?!
Lházaro Cassaco - l amo de Laica, la perra más lista que yá se biu - está sentado ne l bombo i tiu Zé Monteiro trai la caixa.
L'outra gente nun sei quien ye mas tie Júlia apunta-los todos. A mi l garotico asparece-se a Diamantino Sanjoanico i talbéç que la garotica çcalça seia la armana.
Pu l'eidade de las personas, talbéç tenga sido tirado cerca de 1950.

Buonos dies
i buona suorte
.

Çreijeiras de tiu Cristo

Hoije deziran-me para bos amostrar más uas çreijeiras. Las de tiu Cristo, çreijas brancas i docicas que inda muitas bezes l apanhei l gusto.

Mas nun fui you solo.

A mi inda me iban calhando las de riba quando se chegaban d'anriba de l burro ou quando tie Oulinda me dezie para me chubir neilhas, mas los perros de tiu Calachas cume eran más gulosos i solo le gustaban la más docicas, quemien las que quedaban ne l suolo yá passadas! Nien quedaban que eilhes nun le daban tiempo. Péç-me q'inda las apanhaben ne l'aire.

Ah! I la gente que está no retrato esse die nun quemiu çreijas, quemiu bitela que a mi deziran-me-lo.

Buonas nuites

i buona suorte
.

Tie Sessária - Tie Cesária de l'Argentina

Buonas tardes
i buona suorte
.

L Relóijo de l Tiempo

Un retrato tirou-lo Chico Checola an 1968 i l'outro tén trés dies.

Se achardes algue defréncia dezime-lo, que you nun las acho a nun ser la lheira de cebolhas ...

.

Buonos dies

i buona suorte
.

Retrato anhos 30(?) - Bários

Eiqui bos trago más ua relíquia de los anhos 30 ou por aí.
Manhana yá bos ansino seis ou siete. I dous - que you saiba - inda los tenemos cun nós...

Oubrigado Iria.

Buonas tardes ...
... i buona suorte

.

Boda de Sra Olinda "Crista"?

I cume yá listes la cuonta dal pursor, hoije amostro-bos un retratico bien belhico.

Alguns conhecen-se, outros nien tanto, mas manhana yá bos los ansino.

Treze ténen nome i seis ou siete inda biben. I que biban inda muitos anhos!

Buonas nuites

i buona suorte

.

Tiu Bicente a la palha - finals de 60 - a la puorta de tiu Aldino

Adonde pára esta mocidade?