- Remunhana!
- Subraldana.
- Suobre quantos?
- Suobre quatro ...
- Bota acá trés que you traigo siete!
Esta era la cuonta de la "batota" culs belhós. Apuis de barriga chena i ua buona pratada deilhes feitos para quemer no resto de l serano ou antón na manhana seguinte, l adabinar ls belhós que se traien na mano era l jogo que a bezes çurripiaba todo l que teniemos çcascado i que tanto trabalhico dou. Ls más bielhos alhá iban amerosando la cuonta para que naide quedasse cula malga bazia de todo i al fin cada cual terminaba más ou menos culs que habie ampeçado.
La lhuç de la candeia ou de l patromacç inda nun acendien la telbisón, oubien-se ls "folhetins" del rádio an óndias curtias i sorbie-se l borralho antre lhonas salidas de antre l manelo i l fuso amerosadas cun cuçpinha i lhénguas afiladas de tanto filar.
.
Buonas tardes
i belhós calientes
5 comentários:
l que ye isso de remunhana ?
l jogo de rouba belhós :)
Si isso habie-l mas ou menos percebido. Mas la palabra ye stranha ... Remunhana... :D
grande jogo para os seroes.
mas roubar muitas tem consequencias... dormir quentinho e bem arejado heheheh
Achei piada l santido de remunhana. Sabiê la palabra mas l santido não.
Andube purqui i teneis cousa mi angraçadas.
You tamien tengo um blog na nuossa lhéngua i stá inda ancumeçari nun stá inda dibulgado.
Se quejirdes iê ir a adelaide-monteiro
ou especiosameuamor i apuis desi-me algo.
Besitas para bós
Enviar um comentário