8.3.08

La túndia

Aquel deimingo al salir de missa nun haberiê la bóç de tiu Calachas a ler los postales de quien iba anté Miranda a pagar las pagadas. Nó! Naquel Deimingo só se oubiê la bóç de tiu Bicente:
- YÊ ESSA LA EIDUCAÇÓN QUE DÁN A LOS FILHOS!!! e outras palabras que tal.
Yá you e más um magote de garotada mos scapábamos adreitos a la bica po trás de la casa de tiu "Pito".
- RAPÁÇ!!! BAMOS POR QUI! e pimba, lhougo eilhi ampecei a lhebar bordoada cume al burro d'um ciêgo. La purmeira que lhebei puso-me a la punta de baixo de las scaleiras de tiu Cassaco.
- ANDA QUE YOU YÁ TE ANSINO LOS CAMINOS POR DONDE DEBES ANDAR!!! e pimba! Chega-le más que el nun se escapa.
Escapa o carai.
Agarrado por um braço e l outro a guardar las nalgas de los puntapies que meia bulta ancostaban las calças de cotin a las ciroulas feitas de flanela a las riscas clor de café claro ... toma.
Deilhi anté al curral nuobo, a bien dezir al sítio que quedaba más longe de l'eigreija, si quedei bien malhado. Anté hoije inda trago delores daqueilha zurra.
E Carlos Cebolho nada! Cume al pai del staba alhá pa los lhados de la Alemania e la mai péç-me que nun haberie ido a missa, lhibrou-se de buona!!
Mas quemer alfaces acabadicas de poner al redor de la lheira sembrada de freijones pu la manhana nun lembraba nien al diabro.
Acabadicos de salir de la scola ...
- Anda comigo pu la mula e la burra que stán no cerrado dal lhameiro.
I alhá fumos nós, uolmos de la rodeira adelantre quaije anté l molinico.
Para lhá debrebe fazimos al camino, mas al para trás la cousa era más demorada: la burra era coxa e la mula (mala cume las quelobras) andaba siempre apeada de la pata de lantre a la pata de trás. Teniemos tiempo para todo. Anté para antrar nas huortas dal Lházaro e pisá-las quaije todas de punta a punta.
- Pu pu pus mira qu qu qu que estas alfaces que que bien sáben. p p proba uã.
Estaban todas nun cerro dreitico al pie dal carreirón que passaba dal lhado de fuora de la lheira.
Arranca ua, arranca dues, era só spipar porque las raizes habien acabado de salir dal semelheiro.
Cada um cun sou manhuço na mano e toca a rober. Nun sabien a nada e más you que de berdura nunca habie sido mi amigo.
- Ah sous lafraus! antón que andais por ende a xordir? nun bedes que la mula stá quaije no chafariç!
Tie Ester benie an riba dal burro e cume staba más baixa que las huortas só biu a Carlos a cuçpir las alfaces, tal era la angasgadela.
De eilhi anté al sagrado fui cume um fogo que l dou.


Las alfaces eran de tiu Bicente!

Buonas nuites ...
... e buona suorte.

2 comentários:

Amadeu disse...

Buonas nuites,

Esta buossa cuonta trai-me tanta lhembráncia de quando you era garotico i iba culas mulas por alhá... i dua beç que you i mais uns poucos fumos a aparar al puosto de la Guarda porque comimos las maçanicas de la scuola inda an lheite...
Oubrigado pula cuonta. Quedo a la spera de mais i stou cierto que, cula prática, la scrita mirandesa tamien eirá quedando cada beç melhor.

Un abraço,
Amadeu

Boieiro disse...

Cume esto ye un balhe baldiu e yá sultoran la fuolha, aguardarei tamien por boiadas que béngan de por ende afuora!
You tamien spero que la scrita se arrime más a la cumbençón ... cun ua achega d'ende e outras d'outros lhados ...
Las "lhonas" para screbir ... cun meia dozena de recuolhas nas bordas dal ribeiro puoda ser que las cunsiga traer anté eiqui.

buonas tardes ...
... e buona suorte