Esta era ua máquina "Tramagal" de las grandes. Tamien habie las pequeinhas i la "São Romão de Coronado". Toda esta maquinária era fabricada an Pertual!Un die destes amostro-bos ua que inda está guardadica nun palheiro i an cundiçones de trabalhar se le puniren las correias. Ide-bos purparando que inda bos pido para botar pan pal strado ... dreito i de espigas biradas pa la boca.
.
Buonas nuites
i buonas trilhas.
5 comentários:
Buonas nuites,
Star a la palha na trilhadeira, cul aire acontra.... á mai, era l trabalho mais pourberso de l mundo.
Por esso, á Boieiro, essa tal máquina, que çcanse an paç, anquanto nun arranjamos un museu al modo para eilhas i essas cousas todas aparecidas.
Un abraço,
Amadeu
Buonas nuites
You fazie outra cousa: ponie-la a modos de rodrar toda relhamposa na estrada i fazie la maior propaganda que yá se biu de l mirandés: correr todas las aldés de l cunceilho durante ua semana (an Julio ou Agosto que chuobe pouco) i to ls dies iba a dromir a la selombras de las nuobas estátuas na praça de Miranda; no taipal de alantre ls dezires - MIRANDÉS, UA LHÉNGUA CUN ROSTROS!
ou ua cousa asparcida i que quien tén más artes para propagandista las escolherie.
Abraços
You inda me lembro daquessa maquina. Staba pa las eiras, ya arrumada. Brincabamos cun eilha, i culos fardos tamien, mas ya hai mas de dieç anhos. I un die cheguei i ya la maquina nun staba.
An Custantin inda stan alha las dues, ua al pie dal camino mourisco, outra a la salida dal pobo cunforme se bai para Miranda ou Mubeiros.
essa trilhadeira nao era a minha?
se estava nas eiras devia ser a minha
Só nunca consegui perceber qual era o melhor lugar na trilha, experimentei todos e nenhum era bom, pois todos tinham inconvenientes e nenhum vantagens.
Mas vale sempre a pena olhar para trás e recordar...nada mais que isso.
Abraço a quem publicou tudo isto,
Gilberto Alves
Enviar um comentário