... I benimos por causa de ua outra cousa que mos fai comunicar, l acto más sagrado que las personas tenen ye l acto de comunicar: seia por palabras, seia puls uolhos, seia por aceinhos, seia por antenas, seia pul que fur, ye l acto de comunicar, comunicar ye ua cousa … i ls animales subrebiben tamien pula capacidade que tenen de comunicar.
Nós tenemos, estamos nós cumbencidos, se calhar estamos anganhados, tenemos ua capacidade más zambolbida de comunicar i l anstrumiento más abançado que nós cunseguimos tirar ye la lhéngua. Esta ye ua cousa sagrada. Se nós la perdirmos, las cousas nun son eiguales. I ousando ua palabra que l outro die Alfredo ponie nua rebista – eiquelogie - este ye l nuosso mundo, fai parte de l’eiquelibrio de l nuosso mundo. Eiquelogie ye esso: la eiquelogie ye quando todos ls eilementos de l mundo estan cuncordantes uns culs outros, todos subrebibiren uns culs outros i ajudaren-se uns a ls outros. La lhéngua fai parte de l’eiquelogie de l nuosso mundo. Ye un porblema eiquelogico porque las personas, para poderen sobrebibir tenen que quemer, dormir, reproduzir-se i tenen que comunicar cun ls outros las sues necidades, se tenen un delor, se quieren esto, se quieren aquilho, puoden fazer poesie, puoden escrebir cuontas cume escribe Manuel, esto ye todo un acto sagrado. Quando sal esta eideia, nun poderie haber sítio i melhor motibo para mos ancuntrarmos, que nestas cousas l estar ye amportante, más do que a las bezes grandes çcursos an que se chega al fin i se pregunta: al que dixo? El falou bien mas nun sei l que dixo.
I aspuis stamos presentes. Somos nós que coincemos … l mirandês són personas. Son personas … i a las bezes dizen assi: á! l mirandês ye ua cousa que escriben an blogues i tal … Nó. L mirandês ye ua lhéngua que se eidentefica cun personas. Ten rostros. Ten essas cousas todas i personas que se antressan por eilha. ...
Francisco Niebro ... ... (cuntina)
Buonas tardes
i lhéngua afilada
2 comentários:
Ende tocas nun punto ampurtante para mie que splica purquei you hoije trabalho naquisso de l'angenherie an telcumunicaçones i scribo Lhionés (nun digo Mirandés qu'assi naide me diç nada).
La cousa ampeçou mas ou menos assi. Un die atopei un radio nun caxote dal lixo, ende an França. Parecie tener buona cara i arrecebie las ondias curtas, i mesmo sien pilhas ya you brincaba cu él a eimaginar l que puderie scuitar cum aquisso.
Pilhas puostas la purmeira cousa qu'apanhei fui la RDPI que botaba puls aires un jogo de futebol cul Sporting !
Dies açpuis fiç ua angenhoca para scuitar los radiuamadores, tamien an ondias curtas. Pus nien eimaginas la mie suspreza quando apanhei un que staba a falar zde Frezno de la Ribera (al pie de Toro) !
Apartir dende solo querie ser cum eilhes y falar assi cul mundo anteiro, percipalmiente cun Purtual. Tamien los studios fueron nesse sentido, de las cumenicaçones.
Puodo te dezir que mesmo hoije, diç anhos açpuis, las eimoçones son grandes quando scuito dende de Paris cousas cum essas :"Atento rapaziada, aqui Algarve que chama para Europa, ooooolaaaa !"
Hoije nal que you beio ye que sien lo querer ampeço a ser mas coinecido que you sei :-) Quando ye an Miranda an que la gente me questiona :"yes tu Tierry ?"
Ou quando al miu nome aparece an lhibros, sien you saber, screbidos pur outros radiuamadores. Ou inda ua unibersidade de la India que me pide pal screbir un articulo a falar de las mies anzonas que pongo an Sant'Amaro... :D
Hui !
Buonas tardes
Pul que beio se calha la maior antena sós tu. D'ua maneira ou doutra spariges la lhéngua, l sítio de la lhéngua i la raiç de la lhéngua por todo mundo. Que más queremos do que giente nuossa a botar oupenión por esse ouniberso afuora?!
Un die destes inda ambentas ua antena de carones de çreija!!!
Abraços
Enviar um comentário