A camino de la "doutrina" ou anquanto las catequistas nun chegában, an frente al gradeamento de la jinela muita béç se boziou "móóssca!" L que nun sabiemos era que eilhi habie sido l antigo Posto de la Guarda an Cicuiro."- Inda l outro die me dizirun a mi que eilhi na casa onde bós morestes era l posto de la guarda …
- Mesmo agora tu bás … para te certeficar … bás alhá e puodes ber: PFC.
- A bós dá-bos fé de ser eilhi?
- Nó. Saliu deilhi no tiempo de miu abó … i antes de ir pal Bárrio de Palumbar inda stubo na casa de la Abadia. Tu inda te lembras que eilhi por baixo de la fuonte de tie Rita habie ua pila cumprida c'uns buracos … que éra para dar de buer a ls cabalhos.
… las armas eran puostas naqueilhas stacas … creio que inda há-de haber alhá alguas, dues, assi feitas a çuola, toscas … para pindurar las capas.
I habie tamien un burro de palo adonde los guardas i l teniente ponien las selas. Dába para quatro selas. You an garoto inda andube muito anriba daquilho, tanta béç, tanta béç, aspuis parti-lo de tanto mos angaiolarmos anriba."
- Mesmo agora tu bás … para te certeficar … bás alhá e puodes ber: PFC.
- A bós dá-bos fé de ser eilhi?
- Nó. Saliu deilhi no tiempo de miu abó … i antes de ir pal Bárrio de Palumbar inda stubo na casa de la Abadia. Tu inda te lembras que eilhi por baixo de la fuonte de tie Rita habie ua pila cumprida c'uns buracos … que éra para dar de buer a ls cabalhos.
… las armas eran puostas naqueilhas stacas … creio que inda há-de haber alhá alguas, dues, assi feitas a çuola, toscas … para pindurar las capas.
I habie tamien un burro de palo adonde los guardas i l teniente ponien las selas. Dába para quatro selas. You an garoto inda andube muito anriba daquilho, tanta béç, tanta béç, aspuis parti-lo de tanto mos angaiolarmos anriba."
.
Assi falaba tiu Zidério - hoije cun oitenta anhos - no brano de 2008.
Son las cumbersas que ponen bida nos retratos i estes por sue béç ambibecen las memórias.
Quanto al puial - partido, cun grande pena de muitos - tén alhá uas pocicas que Thierry retratou cume fazendo parte de cunstelaçones ou cousas asparcidas. Nun sei se tén rezón, tenerá talbeç, mas alguas deilhas furan feitas an anzonas de garotada.
L que aquel cabanhalico tamien tén ye ua abrigada soalheira adonde muita meia se fizo i manelos se filóran. Al melhor l puial tamien se partiu por bias de tanto lhino ajudar a malhar.
.
Buonas tardes
i buonas cumbersas.
3 comentários:
na minha adega era onde tinham os cavalos, onde estam as grades era a prisao? e nas outras divisoes?
adonde stan las grades era adonde quedában las spingardas, espadas i restante armamiento, assi cume capas i arreios de cabalharie (no burro), ou seia: l sítio de l espediente. l restante de los aposentos era na cozina i sobrado de tou tiu abó Zidério.
Stamos a falar de finales dal séclo XIX amprecípios de l séclo XX an que los guardas éran de lhugares acerca (la maior parte de Custantín) pus naquel tiempo nun podien fazer serbício nos lhugares adonde morában.
Si sta alha scrito PFC. I se mirras bien a la squierda sta alha grabada ua formula de matematica toda tosca que ye la seluçon d'un polinomio dl segundo orde. Fui un chabasco q la grabou ende pra q nun s'al squeça :)
P.S : Inda bien que bas butando ende nuobas, you ya nien tiempo de lo fazer nal trabalho (tamien bas a dezir que nun ye sitiu pra isso) i l miu duonho q nun me quier puner la net, cralho~se l'apanho hahaha
Tamien agora ando de bacanças... i hai outros assubtos pra tratar !
Enviar um comentário