Está buono de ber que la medida tirei-la a uolho, pus nunca cuntei los alqueires de semiente que lhieban, mas fui un mirar meio de esgueilha porque l que me anteressou mesmo furan trés cousas: l dourado dal pán; l cuntraste deste cul berde de las escobas i la clor dal cielo cun sous anubrados donde adonde.
Estas cousas bós podereis ber ... mas para sentir l cheiro a magarças, oubir l piar dua mielpiêndena a spreita de çreijas ou la chicharra a serrilhar las alas ... hai que ir al Praino i çcubrir antre las yerbicas algua fromiga d'ála que mos querga amostrar l cheiro a tierra inda meio amerosa de la ourbalheira. Essas són las senaras que cada un puode segar cula fouce que tenga, acarreie anté que los santidos queden chenos para aspuis trilhar nas eiras de l curaçón.
.
Buonas nuites
i buona segada
2 comentários:
Buonas nuites,
Questuma-se dezir «ouro subre azul», mas por estes retratos se bei que podemos melhor dezir «ouro ambaixo d'azul». I alhá stá la cerejeira de centinela, cun sous mil uolhos yá burmeilhos de tantas nuites a belar la senara sin acunhar uolho i de tanto aguantar l checharrar. A las bezes, cerro ls uolhos i fago un airico lhebe para ber la senara a oundear, mas muita beç tengo de atamar l aire que you mesmo alhebantei para nun anjoar cul baláncio de l barco que me lhieba por esse mar.
Bien haias Boieiro por estes retratos i pul testo.
Amadeu
Agradeço sua visita e comentário no Varal. Muito obrigado!
Forte abçs
Enviar um comentário