Quando li la purmeira béç las abinturas de Marie Cunstáncia i achei l cabo Mendes, bi nel la figura de tiu Cristo (Agusto de sou nome mas para nós há-de ser siempre Tiu Agusto Cristo)! Tamien a él lo spulsoran de la guarda (era cabo) por haber dado agarimo a Tiu Ratica de Alcanhiças no tiempo de la guerra cebil espanhola: tirou l'home d'ua muorte más que cierta i quedou sien l sustento pa la casa. Ye l nuosso cónsul salbador de cundanados i por assi dezir un de los anjusticiados de los mandones daquel tiempo. Mas baliu la pena nun baliu? Nós sabemos que hoije tornariedes a faer l mesmo por bias de los balores que siempre anterpretestes i mos passestes tán bien!
Buonas nuites
i buona suorte.
3 comentários:
É verdade. Inspirei-me na triste história do tiu Cristo para pintar o meu cabo Mendes.
Ainda tenho gravada na memória, era eu uma criança, a visita que eu e a minha mãe, e já não sei mais quem, fizemos ao tiu Ratica, em Alcaniças ( Penso que a mulher dele se chamava dona Pilar). Foi nesse dia que ouvi, pela primeira vez, esta fantástica história.
Buonas tardes,
Hai bárias stórias cumo essa na tierra de Miranda i que ténen a ber cula guerra cebil de Spanha. Serie ua penas deixá-la squecer, que ende la anjustícia serie a drobar.
Oubrigado a Manuel Carvalho e a ti, Boeiro, por mos lhembrardes esta, cada um a la sue moda.
Un abraço,
Amadeu
Buonas tardes
Pouco falador, personalidade cun ares de "aristocrata" i ua selombra no mirar ye l pouco que las mies recordaçones me dán.
Nunca me anteirei suobre l acuso que l demudou la bida mas talbéç haia mano de bezinos cun ligaçones a la PIDE. Quedei cun curjidade de cunsultar los arquibos esses ... se un die calhar ir a Lisboua cun bagar inda spurmento.
Un Abraço
Enviar um comentário