Hoije pongo este abiso pa los más çtraídos. Boto-lo hoije por bias que manhana tamien ye feira no Naso i se por acauso algun lhebar las baquitas al toural ou fur a mercar ua calagouça para roçar silbas nalgun cerrado, cortina ou caleija, nun se çqueça de se anteirar nos fardos espindurados de los peones dal cabanhal, anroscados nun lhançól i cun muita mosca al redor! Esses són los que tenen la malzina pa las maleitas de dientes i de lhéngua anferrujados..
Buonas tardes
i buona suorte
6 comentários:
Quando you bie isso parecie-me la birge... agora que me dou de cuonta ye un cacho de carne cun lhancol anriba...
Quies ber que mos apareciu ende la birge, nessa tue foto :D
Buonas nuites
De que adega acabeste de salir?!?!
Abraços
Mui buonos dies, Senhor Boeiro.
Yá mais de mil bezes penso acá para mi que tengo que ler cun mais tiempo i mais atentamente todos l que scribe neste site que acho mui mui antressante.
I l tiempo fui passando...
Solo hoije ye que acabei de ler l sou testo de 3 de Agosto que me ancantou i querie-lo dezir.
Depuis la curjidade lhebou-me a ler este comentairo de Tiegui que tamien nun cunheço mas que, segundo me parece, tamien yá chegou a bibir an França ou inda bibe (?) cumo ye l miu caso.
Ri-me mas fui porque tamien tube la mesma ampresson que el.
A la purmeira bista, l cacho de chicha cun un farrapo branco porriba que mos amostra nessa eimage de l Naso, Boeiro, tamien me pareciu... la eimage dua nuossa Senhora...!
Fui neçairo ber dues bezes i lhembrar-me que l Naso ye tamien para comer i beber.
Un die feliç para si i cun muita anspiraçon.
Ana Maria Fernandes
Nun fiç las manipulaçones cumo debie de ser...
L'anónima sou you por acaso:
Ana Maria fernandes
Buonos dies
Dius bos lo pague por la besita i cume l Naso tamien ye para comer i buer, alhá mos beremos.
Un abraço
Mui buonas nuites, Boeiro, i oubrigada pula sue repuosta.
Inda stou an França i Pertual parece inda tan loinge!
Mas quien sabe ?
Yá notei la data de l 22 para l almuorço (l jantar cumo se diç an Mirandés) i tentarei you tamien star ne l Naso cun todos bós que gostais de falar Mirandés.
Parabienes por haber lançado la eideia i tomado la einiciatiba de lançar tamien l cumbite a todos neste buosso site.
Salude anton i Dius querga que si: que mos ancuntremos todos daqui a poucos dies nesse sítio que you por acaso pouco cunheço: l Naso.
Ana Maria
Enviar um comentário