Hai un par de dies chegou-me un lhibro suobre Cicuiro! Sí. Suobre Cicuiro, la gente, l termo, tradiçones ... cousas que mos ponen a todos chenos de proua!Cume me dezie l'outro die tie Lucinda quando miraba para uns cacaforros de l tamanho d'ua raba, nas eiras de Bouça Çanca:
Poderemos dar muitas buoltas pul mundo mas ningun cachico tenerá tanto balor cume l que mos biu nacer.
I ye esse cachico, tán pequerrico i a bezes tán çquecido i scundido antre la raia i l sierro que bota poulos de cuntento siempre que un de los sous usa un cachico de tiempo - tiempo que Dius dá de graça, cume me dixo l'outro die tiu Moisés - para l lhembrar i dar l balor que él merece.
Oubrigado Dalfin.
.
Buonas nuites
i buona suorte.
.
Nota: Delfim Torrão (l garotico de la gorrica) ye nieto de tiu Primo Torrão. Quando saliu para ir a la tropa tenie la quarta classe. Trabalhou i estudou. Hoije ten escritório d'adbogado an Montemor o Velho, cidade que l aculhiu.
4 comentários:
Adonde se puode mercar l lhibro esese?
Parabienes,
Amadeu
Nun se merca.
Stá a espera que se m'amanhe la cuonta para ir adreitos al mundego. I nesse die tenerei que ir tamien a Mogofores para ber l padre Zé (l purmeiro licenciado que Cicuiro botou).
Nun stá çquecido.
Abraços
Estou muito agradecida e muito orgulhosa por tudo o que aqui li sobre a obra realizada "por mio padre Júlio". É bom ver respeitado um trabalho feito com tanta dedicação, carinho e orgulho, como o que o meu pai fez sobre a sua terra natal. Ele tem muito orgulho de lá ter nascido e eu, sua filha mais nova, também me orgulho das minhas raízes transmontanas, e Celtas e, sobretudo, dos meus pais e de tudo o que eles construíram. Obrigada! Isabel da Anunciação Ferreira Torrão
Todos los cicuiranos ténen proua quando dalgun deilhes ou sous deçandientes fai algo por la sue tierra. Ye l sangre de l ribeirico a correr nas benas.
Enviar um comentário