Quien bai de Peinha Redonda adreitos a Alcança Lhobos i se nun tomar atento, passa por anriba desta puonte i nien la bei. I quando se dá cuonta d'eilha, al melhor nien repara na obra de angenharia que eilhi está, toda feita an piedra suolta arrancada de las peinhas al pie de l camino, sien raça de cimento ou outras modernices.
Pena que le tengan tirado alguas guardas de los lhados.
Buonos dies
i buona suorte
.
3 comentários:
Acho que quando ando de chaça debo de star n'outra dimenson... ou hai cousas que nun beio...
I quandu penso que l'Abade Baçal dezie que Cicuiro benie de Sequeiro, tierra sien auga !!!!
Ando agora a buscar la eitimolegie de Cicuiro nal Basco, nun sei talbeç ancuôntre algo :-)
Nun sei se ya biste quantas pessonas tenen l nome "cicouro" mas hai un munton d'eillas. L'anhe passadu nal Porto tenie un pursor que se chamaba tamien assi. Agora eimagina tu quando you andaba puls curredores de la FEUP cula camisola de Sant'Amaro "Cicouro com o patrocinio Super Bock" !!!...........
L termo bei-se a caminar, ou antón ir al sítio cierto cun quien sabe. Ai esquinicas ne l termo de Cicuiro que falan eilhas solas!
Tu trata dessas cousas de los lhibros que you boto los retratos. Quanto a los nomes, sabes que la toponíma ye mui amportante na criaçón d'eilhes, por esso nun te estranhe muito, basta mirar quantos Meirinhos nun haberá i se calha beniran, la maior parte senó la raiç toda, de Meirinhos de Mogadouro(?).
Supongo you que seia assi, pus an buona berdade nunca mirei para esso de beras.
Abraço
Sabes porque l Abade de Baçal nun gustaba de Cicuiro?! Cume tu sabes suobre la nuossa tierra quaije nun escrebiu.
Esse Abade de Baçal (l escritor) tenie un pariente (primo ou sobrino) que era l Abade de Cicuiro, tamien Abade de Baçal que bibie an Infainç. Tubo tres filhos an Infainç (tie Cremilde que casou cun tiu Delgado, Tiu Jaime i Tie Isabel), dous an Cicuiro (tie Adília Teresa i Tie Talbina) i un an Samartino (Tiu Baçal).
Cume a l escritor nun le gustaban muito las albelidades de l'outro ... a Cicuiro mirou-lo siempre meio de esgueilha.
Enviar um comentário